في اطار التعاون بين المعهد العالي للسياحة والفنادق 6 أكتوبر وجهاز تنمية المشروعات الصغيرة والمتوسطة والمتناهية الصغر، قامت منصة المشروعات الصغيرة التابعة لرئاسة مجلس الوزراء بنشر قصة نجاح أحمد سعيد حسن أحد خريجى المعهد ، والحاصل على تدريب برنامج إبدأ مشروعك SYB المعتمد من منظمة العمل الدولية، والذي بموجبه يتم التأهيل لاإقامة وإدارة المشروعات الصغيرة.
وفيما يلي نص قصة النجاح كما وردت على المنصة الالكترونية للمشروعات الصغيرة، والتى يمكن تصفحها مباشرة عبر الرابط التالي:
https://www.msme.eg/ar/Pages/Stories/StoryInfo.aspx?storyid=20
أحمد سعيد حسن شاب يبلغ من العمر 22 سنة خريج المعهد العالي للسياحة والفنادق 6 أكتوبر بدأت قصته وكما يقول :
” سمعت من زمايلي عن برنامج تدريبي اسمه ابدا مشروعك بيأهل الشباب انهم يعملوا مشاريع خاصة بيهم وكمان بيوفر اكتر من طريقة للتمويل ، فقدمت على البرنامج ده وكان مدته 5 ايام اخدت البرنامج التدريبي مع المدرب د. تامر عبد العزيز…
وخلال الايام التدريبية تواجد مسئولين من جهاز تنمية المشروعات فرع اكتوبر. واتكلمنا معاهم وسألناهم كتير ، فحسيت وقتها ان الموضوع بجد، وانه مش مجرد كورس تدريبي وخلاص، بعد ما خلصت الكورس، لقيت نفسي قادر اعمل دراسة جدوى تسويقية ومالية لاي مشروع”.
وبعد انتهاء احمد من امتحانات البكالوريوس بدأ أول خطواته نحو مشروعه الخاص وكانت البدايه مايو 2019 .. وفى البداية دخل فى شراكة وكما يقول : “… أول حاجه دخلت مع شريك كان فاتح محل ملابس بقاله 5 سنين وكان لابد من اني أخده معايا شريك عشان متوفر عنده عنصر الخبرة”
واستمرمع شريكه فى الاستثمارواستيراد الملابس وكما يقول : ” ابتدينا نتعرف اكتر على تجار الملابس عشان كنا أصغر تجار ملابس وسط عمالقه “.
وحاليا وكما يقول : “وفي الفتره الحاليه بنستعد للدخول في مجال التصنيع وهيتم أن شاء الله شراء اقمشه واكسسوارات ملابس خام من الصين وتصنيعها هنا داخل مصر، وان شاء الله بيتم الآن الاتفاق علي ماكينة طباعه للدخول في مجال التصنيع وعمل خطوط إنتاج كامله خاصه بشركة Big Ben ”
ويوجه احمد رسالة لطلاب المعهد : ” اسمحولي في النهاية اوجه رسالة لكل طالب عندنا بالمعهد ،، استغل تعبك وجهدك اللي بتبذله في مشروع تخرجك، وحوله لمشروع حياتك ، فكر في مشروع صغير والتدريب والتمويل موجود ، ومنها يبقى اخدت درجتك كاملة في مشروع التخرج ومنها تبقى عملت لنفسك مشروع تعيش بيه.
ورسالته للشباب : ” رسالتى لكل شاب ، بلاش تضيع عمرك تدور على وظيفة، ليه تشتغل عند غيرك، اتعب شوية في الاول، وشوف نفسك تقدر او بتحب تشتغل في ايه واللي ناقصك اما تتدرب عليه او تشوف حد خبره وتدخله معاك شريك، ومسالة مافيش فلوس دى اتحلت لان الجهاز بيوفر انظمة تمويل كتير “.
